რა არის გაეროს მოდელირება?

გაეროს მოდელირება არის აკადემიური როლური თამაში, რომელიც გულისხმობს სტუდენტების მიერ სხვადასხვა ქვეყნის დიპლომატის როლის მორგებას გლობალური პრობლემების განხილვისა და გადაჭრის მიზნით.

გაეროს მოდელირების მიზანია ახალგაზრდებისთვის სამოქალაქო ღირებულებების, ეფექტური კომუნიკაციის, გლობალიზაციისა და მრავალმხრივი დიპლომატიის გაცნობა. ასევე, ეს როლური თამაში ავითარებს სხვადასხვა, მათ შორის, ეფექტური კომუნიკაციის, ლიდერობის, ჯგუფური მუშაობის, კრიტიკული აზროვნების უნარებს.

გაეროს ასოციაციის მიერ შემუშავებული გაეროს მოდელირების ფორმატი არის გაერთიანებული ერების ორგანიზაციის რეალური საქმიანობის ზუსტი სიმულაცია, რაც ახალგაზრდა ელჩებს უნიკალურ შესაძლებლობას აძლევს პირადად გახდნენ იმგვარი პროცესების მონაწილე, როგორითაც ხდება სხვადასხვა გლობალური საკითხის გადაწყვეტა საერთაშორისო დიპლომატიაში.

USAID-ის “ერთიანობა მრავალფეროვნებაშია” პროგრამის ახალგაზრდულ ცენტრების და გაეროს მოდელირების კლუბების მიზანი?

USAID-ის „ერთიანობა მრავალფეროვნებაშია“ პროგრამის ახალგაზრდული ცენტრები წარმოადგენენ ღია საგანმანათლებლო და სამოქალაქო თავშეყრის ადგილს მთელი ქვეყნის მასშტაბით. აღნიშნული სივრცეები ხელს უწყობს ახალგაზრდებს ჩაერთონ  სამოქალაქო და ეკონომიკურ აქტივობებში, როგორც ადგილობრივ, ისე ეროვნულ დონეზე. 

USAID-ის „ერთიანობა მრავალფეროვნებაშია“ პროგრამის ფარგლებში, შეირჩა და გადამზადდა პროგრამის ახალგაზრდული ცენტრების ორ-ორი წევრი. გადამზადებული მენტორები  მიღებულ ცოდნას და კომპეტენციებს გამოიყენებენ  ახალგაზრდულ ცენტრებში გაეროს მოდელირების კლუბების ჩამოსაყალიბებლად.  

გაეროს მოდელირების კლუბები შეიქმნება შემდეგ ქალაქებში: თბილისში (ილიას სახელმწიფო უნივერსიტეტის და ჯავახიშვილის სახელობის თბილისის სახელმწიფო უნივერსიტეტის ახალგაზრდულ ცენტრებში), ქუთაისში, ზუგდიდში, ოზურგეთში, ბათუმში, თელავში, მარნეულში, ნინოწმნდაში, ახალქალაქში, ახალციხეში, გორში და ახმეტაში.

გაეროს მოდელირების კლუბში ჩართვა შეეძლებათ მხოლოდ USAID-ის „ერთიანობა მრავალფეროვნებაშია“ პროგრამის ახალგაზრდული ცენტრების წევრებს.

რა ფორმატით წარიმართება გაეროს მოდელირებები?

გაეროს მოდელირების კლუბის ფარგლებში, მენტორები უზრუნველყოფენ ჯგუფის წევრების მომზადებას 3 თვიანი წინასწარი გაწერილი პროგრამის მიხედვით. მომზადების მიზანი  იქნება კლუბის წევრების მომზადება ადგილობრივი და ცენტრებსშორისი (ეროვნული) გაეროს მოდელირების სესიისთვის. კერძოდ, ახალგაზრდული ცენტრის მხარდაჭერით, გაეროს მოდელირების კლუბის წევრებისთვის გაიმართება გაეროს მოდელირება, რომლის საფუძველზეც შეირჩევიან ცენტრის საუკეთესო დელეგატები.  მოტივაციის და ცენტრებს შორის ინტერაქციის ასამაღლებლად, ადგილობრივ დონეზე შერჩეული დელეგატები ერთმანეთს შეეჯიბრებიან ეროვნულ გაეროს მოდელირებაზე. 

ვინ არიან გაეროს მოდელირების კლუბის ლიდერები?

როგორ უნდა გაწევრიანდე ახალგაზრდულ ცენტრში?

USAID-ის „ერთიანობა მრავალფეროვნებაშია“ პროგრამის ახალგაზრდულ ცენტრში გაწევრიანებისთვის უნდა მიმართოთ ადგილობრივ კოორდინატორს იმ ქალაქში, სადაც გინდათ გაწევრიანება. კოორდინატორებთან დაკავშირება შესაძლებელია ახალგაზრდული ცენტრების სოციალური მედიის (Facebook-ზე) მეშვეობით ან ცენტრებში ვიზიტით.

ახალგაზრდული ცენტრების ლოკაციები:

• ახალციხის ახალგაზრდული ცენტრი

ახალციხე – დემოკრატ მესხთა კავშირი
მისამართი: რუსთაველის ქუჩა 26

•  ახალქალაქის ახალგაზრდული ცენტრი

ახალქალაქი – დემოკრატ მესხთა კავშირი 
მისამართი: ტერიანის  ქუჩა 25 

• ქუთაისის ახალგაზრდული ცენტრი

ქუთაისი – განათლების განვითარების და დასაქმების ცენტრი
მისამართი: ინგოროყვას ქუჩა 64

• თელავის ახალგაზრდული ცენტრი

თელავი - თელავის განათლების განვითარების და დასაქმების ცენტრი
მისამართი: დავით რექტორის ქუჩა 8

• ზუგდიდის ახალგაზრდული ცენტრი

ზუგდიდი –  ასოციაცია „ათინათი“
მისამართი: რუსთაველის ქუჩა 94

• ბათუმის ახალგაზრდული ცენტრი

ბათუმი - დამოუკიდებელ ჟურნალისტთა სახლი
მისამართი: მემედ აბაშიძის ქუჩა 48 

• ნინოწმინდის ახალგაზრდული ცენტრი

ნინოწმინდა –  ქალთა ორგანიზაცია კავშირი „პაროს“
მისამართი: ჭავჭავაძის ქუჩა 21

• გორის სამოქალაქო აქტივიზმის ცენტრი

გორი – კეთილდღეობის და განვითარების ცენტრი 
მისამართი: თარხნიშვილის ქუჩა 20ა
 

• თსუ ახალგაზრდული ცენტრი

თბილისი – ივანე ჯავახიშვილის სახელობის თბილისის სახელმწიფო უნივერსიტეტი
მისამართი: ქეთევან წამებულის გამზ. 55 (თსუ მე-7 კორპუსი)

• თბილისის ახალგაზრდული ცენტრი

თბილისი – ილიას სახელმწიფო უნივერსიტეტი
მისამართი: ი. ჭავჭავაძის გამზ. 32

• ოზურგეთის ახალგაზრდული ცენტრი

ოზურგეთი – ახალგაზრდა პედაგოგთა კავშირი
მისამართი: გაბრიელ ეპისკოპოსის ქუჩა 3

• მარნეულის ახალგაზრდული ცენტრი

მარნეული – სამოქალაქო ჩართულობისა და აქტივიზმის ცენტრი
მისამართი: კოსტავას ქუჩა 60

•  ახმეტის ახალგაზრდული ცენტრი

ახმეტა – კახეთის რეგიონული განვითარების ფონდი
მისამართი: რუსთაველის ქუჩა 

ახალგაზრდული ცენტრების სოციალური მედიის QR კოდი: